So mò walter daimò walter  vin zò i  dal curtil

Al capo  l’è aviee l’auto blu al g’ha presia al vol partir

Pierluigi al g’ha al megafon al banderi e gli striscioun

E adesa an dom tot quant a fer la rivolusioun

 

Matteo al vol durmir al dis c’an som brisa prount

La smurse la sveglia e l’ha giree galoun

La dit che quand as leva per prima cosa al fa cazioun

E che sav l’om andom nueter sol a fer la rivolusioun

 

A ghè la Rosi c’la armaign a ca a fer l’oposizioun

E po’ te se cla ava a  messa a dir alglio orazioun

ala fin l’ha dit ca som di mat o som tot di cajoun

E du vot c’andom, c’a som trop vech per la rivolusioun

Dai partom ma an’fè rumor che i dormen i ragazzou

E amarchmand lasom anca durmir i compaign ed la sessioun

Stavolta a fòm nueter sol e lasòm a cà i bidoun

Dop tant ann aiom capii coma asvins la rivolusioun

Gran giurneda che giurneda a som tot pin d’ardor

Ma aspeta fermet un atim che aghè al distributor

Adesa a fom bensina e po’ via a destinazioun

An’psom riscer ed rester a pe’ per la rivolusioun

 

Fila avanti tira avanti e cocia col mutor

Gira a destra tira drit e fermet a l’incros

An sun piò brisa trop sicur ed cater la direzioun

Am sa ca jom smarii la streda per la rivoluzioun

 

Ferma un atim ferma un atim a sun mez mort ed fam

A ghè un pustarlei chè dop na curva la butega dal vilan

As fàm un piat ed pasta un salam e du pistoun

A fam a teimp anch dop magnee a fer la rivolusioun

 

Mo cmel ed panza ec mel ed panza fermet che in dal pree

Me avag la dree ad un elber e vueter ava arpunsee

L’è sol questioun d’un atim c’al vaga so al belsoun

A’g vol la panza in forma per fer  la rivouzioun

Porca vaca porca vaca lè scur e as ved piò un cas

Ormai l’è gnuda sira e adesa set sa fam?

Turnom indree ala sessioun c’à ghè al torneo ed brisculoun

A’s catòm po’ netra volta a fer la rivlusioun

A fom a teimp po netra volta a fer la rivoluzioun

A gan d’om po’ netra volta a fer la rivoluzioun